Sinulat ni Rey Anthony Chiu
Giklaro sa Department of Health (DOH) nga wala pa’y na-detect nga bag-ong coronavirus disease (COVID-19) variant sa Pilipinas.
Kini hangtod niadtong adlaw’ng Sabado, Enero 2.
Sa gipagawas nga pahayag, giklaro sa DOH nga niadtong, Enero 4, 2021 pa gisugdan ang himuong “genome sequencing” sa mga specimen sa mga pasaherong gikan sa mga nasod nga may kumpirmadong United Kingdom (UK) variant nga nagpositibo sa reverse transcription-polymerase chain reaction (RT-PCR).
“This is to clarify that as of Jan. 2, 2021, the Philippine Genome Center has not detected the UK variant in the country. All RT-PCR positive specimens from the countries with confirmed UK variant are to undergo genome sequencing beginning Monday, Jan. 4, 2021,” matud pa sa gipagawas nga pahayag sa DOH.
(Kini agi ug pagpatin-aw nga hangtud Enero 2, 2021, ang Philippine Genome Center wala pa makalita sa UK variant (sa COVID) dinhi sa nasud. Ang tanan nga nagpositibo nga specimen sa RT-PCR gikan sa mga nasud nga adunay kompirmadon UK Variant gikinahanglan nga mopailawom sa genome sequencing sugod sa Lunes, Enero 4, 2021)
Giseguro usab sa DOH nga nakig-alayon sila sa mga hingtungdang ahensya aron masiguro ang mas hugot nga kontrol sa matag port of entry sa nasod.
Gi-awhag usab ang publiko nga ipadayon ang pagsunod sa minimum public health standards.
“We urge everyone to keep practicing the minimum public health standards – the only universally effective protocol against any mutation, variant, or strain,” awhag pa sa DOH.
(Ato nga iaghat ang tanan sa pagbansay sa minimum public health strandards, kay kini maoy bugtong epektibo nga lakang batok sa pagkabaton sa lain’g klase nga COVID.)
Una nang na-kaplagan ang bag-ong variant sa COVID-19 sa Taiwan niadtong kataposang semana sa Disyembre.