Sinulat ni Dave Albarado gikan sa taho sa PIA
Tungod sa kalisud sa kinabuhi tungod sa epekto sa Coronavirus disease, dili una ipahamtang ang pag-umento sa kontribusyon sa mga myembro sa Philippine Health Insurance Corp. (Philhealth) human mihatag ug mando si Presidente Duterte.
Matud sa presidente nga iyang gihangyo ang pangulo sa Philhealth nga si Dante Gierran nga lang usa idayon ang pagsaka sa amot sa mga miyembro sa Philhealth.
Dugang pa sa presidente nga mangita siya ug kwarta aron ipuno sa pundo sa naasoy nga ahensya.
Gitakda nga musaka ang kontribusyon sa mga miyembro sa Philhealth ug .5%.
Ang pagsaka ug .5% sa kontribusyon gilagda sa Universal Health Care Act ug padayon ang pagsaka sa kontribusyon hangtud sa tuig 2025.
Sa laing bahin, giingnan sa presidente ang mga nagdumala sa mga tugpahanan nga ipatuman gayud ang mga travel restrictions aron mapugnan ang pagsulod sa bag-ong matang sa Covid.
Matud sa presidente nga nakadungog sya ug mga taho nga adunay palusot nga nahitabo nga giabagan sa mga nagdumala sa mga tugpahanan. Miingon ang presidente nga silotan niya ang bisan kinsa nga maghimo ug mga palusot ug magdumili sa pagpahamtang sa mga travel restriction protocols.Seryoso ang kagamhanan sa pagpatuman ug pugos nga 14-day quarantine sa tanang pasahero nga nagagikan sa mga nasud nga adunay gikataho nga mga kaso nga nalambingit sa bag-ong matang sa Covid.