Sinulat ni Dave Albarado gikan sa taho sa CNN Philippines
Mihatag ug taho ang Armadong Kusog sa Pilipinas kon Armed Forces of the Philippines (AFP) ngadto sa United Nations (UN) nga giakusahan nila ang mga rebeldeng komunista nga naghimo ug kapin sa 500 ka mga pagpangatake sa mga sibilyan ug mga kabtangan sa mga sibilyan dinhi sa atong dasud.
Sa usa ka pamahayag, gipadayag sa AFP nga adunay 532 ka mga “violent incidents” ang ge-alegarnga gihimo sa grupong New People’s Army (NPA).
Gihatag sa AFP ang maong taho ngadto ni Signe Poulsen, ang representante ngadto sa Pilipinas sa Office of the High Commissioner for Human Rights, ug UN Resident and Humanitarian Coordinator dinhi sa Pilipinas nga si Gustavo Gonzales.
Mga kopya sa maong taho gihatag usab sa Executive Director sa Presidential Human Rights Committee Undersecretary Severo Catura, ug Department of Foreign Affairs Office of the United Nations and International Organizations Assistant Secretary Noralyn Jubaira-Baja.
Miingon ug dugag ang AFP nga ang datos gikolekta sa Human Rights Office ug kini giduso ngadto sa Commission on Human Rights niadtong Enero 7, 2021.
Si AFP Chief-of-Staff Gen. Gilberto Gapay miingon nga ang taho nagpakita lamang kon unsa kabayolente ang mga kalapasan nga gihimo sa mga NPA.
Dugang pa sa hepe sa AFP nga posible nga madugangan pa ang mga kalapasan sa mga komunista kay nagpadayon pa ang mga paglista sa military kabahin sa mga kalapasan nga gihimo sa mga rebelde.