Sinulat ni Elvira Bongosia
Gi-uswag pa sa Land Transportation Office (LTO) ang validity sa student permits, apil usab ang lisensya sa mga drivers ug konduktor, hangtod sa Marso 31, 2021.
Kining pag-uswag alang lamang sa mga indibidwal nga adunay edad 17 hangtod 20 anyos ug apil usab sa mga may edad 60 anyos pataas.
Ang student permit ug lisensya sa mga driver ug konduktor niining age group gi-uswag tungod kay kinahanglansila nga magpabilin sulod sa ilang balay tungod sa gipatuman nga quarantine period tungod sa Coronavirus disease (Covid) pandemic.
Ubos sa Inter-Agency Task Force (IATF) Resolution No. 79, ang mga indibidwal nga may edad 15 hangtod 20 anyos, apil usab ang mga kapin sa 60 anyos, mahimo lamang mogawas sa balay alang sa ‘essential travel.’
Kini ang ikatulong higayon nga gi-uswag sa LTO ang validity sa pipila sa mga lisensya nga ilang gina-isyu tungod sa gi-uswag nga restrictions taliwala sa nasinating pandemya.