Sinulat ni Elvira Bongosia
Dali nang ma-access sa publiko ug mga ahensya sa gobyerno ang Freedom of Information (FOI) Code of Practice human gipagawas sa Presidential Communications Operation Office (PCOO) ang unang edisyon sa FOI Code of Practice, nga makita sa paagi nga digital.
Si PCOO Usec Kris Ablan atol sa gipahigayong Network Briefing News niadtong Enero 21, 2021, miingon nga ang PCOO pinaagi sa FOI–Project Management Office (FOI-PMO) mi-aprobar sa unang edisyon sa FOI COP aron pagsangkap sa mga implementers sa gobyerno sa mga mapuslanong mga gamit alang sa epektibong implementasyon sa FOI program sa nagkalain-laing mga ahensya sa estado.
Ang FOI COP usa ka compilation sa best practices sa tibuok upat ka tuig sa FOI Program implementation.
Ang code usa ka komprehensibong giya nga naghatag ug practice standards alang sa FOI implementers.
Naglakip usab kini sa mga topics sama sa Functions and Responsibilities of FOI implementers, FOI Policy Development, Key issues on FOI processes, Monitoring and Reporting, Records Management ug eFOI Platrorm Management.
Ang code pangingkamot sa PCOO sa pag-institutionalize pa sa programa pinaagi sa pagpalig-on ug pagpaayo sa mga kapasidad sa FOI program implementers.
Kahinumdoman nga si PCOO Kalihim ug FOI champion Martin Andanar sa usa ka news release niadtong Enero 20, 2021, miingon nga “part of our mandate is to ensure that government agencies are equipped with effective tools and their personnel with apt skills to fulfill their roles as implementers of the [FOI] Program.”
Ang mga interesadong indibidwal o grupo mahimong mobasa ug mag-download sa 2020 FOI COP sa e-FOI portal foi.gov.ph.