Sinulat ni Elvira Bongosia
Gi-aprobahan na sa Inter-Agency Task Force for the Management of the Emerging Infectious Diseases (IATF) ang rekomendasyon nga ubsan pa ang edad sa mga batang makagawas sa balay, lakip na usab ang mga senior citizens hangtod edad 65 anyos.
Kini ang gikumpirmar ni Presidential Spokesman Harry Roque diin matud pa, mahimo nang makasuroy ang mga bata gawas niadtong may edad nga 10 anyos paubos ug mga lolo ug lolang 65 anyos na, basta naa sa mga lugar nga ubos sa Modified General Community Quarantine (MGCQ) sugod sa Pebrero 1, 2021.
“10 years old and those who are over 65 years of age shall be required to remain in their residence at all times,” matud pa ni Roque.
Kadtong ubos sa 10 anyo ug labas sa 65, magpabilin pa gihapon sa ilang mga balay sa tanang higayon.
Gimanduan sa IATF ang mga local government units (LGUs) nga mosunod niining bag-ong kamanduan.
“Local government units, on the other hand, are enjoined to adopt the same relaxation of age-restrictions for areas under General Community Quarantine,” dugang pa ni Roque.
Ang mga lokal nga kagamhanan, sa laing bahin, giaghat nga mosagop sa pagluag sa mga pagpugong sa paggawas sa mga edad nga naapil sa General Community Quarantine.
Apan gi-klaro sa IATF nga makagawas lamang sa balay ang mga batang may edad 10-14 anyos kun kauban ang ilang mga ginikanan.
Kahinumdoman nga gidid-an sa gobyerno ang mga bata ug senior citizens nga makagawas sa ilang balay tungod kay gikonsiderar sila nga labing vulnerable sa Coronavirus disease.