Sinulat ni Elvira Bongosia
Nagtakda ug pipila ka bag-ong kondisyon ang gobyerno sa pagsulod sa mga langyaw sa nasod taliwala sa travel restrictions aron mapugngan ang pagkatap sa bag-ong Coronavirus disease (Covid) variant sa Pilipinas.
Kini ang gipahibalo ni Presidential Spokesperson Harry Roque diin gibutyag niini nga kinahanglan sa mga foreign travelers ang pre-booking hotels alang sa quarantine purposes ug mopaubos sa reverse transcription-polymerase chain reaction (RT-PCR) test, unom ka adlaw human sa ilang pag-abot.
“These foreign nationals should also have pre-booked accommodation for at least seven nights in an accredited quarantine hotel or facility. They shall also be subject to Covid-19 testing at the quarantine hotel or facility on the sixth day from the date of their arrival,” pasabot pa ni Roque.
(Kining nga foreign nationals, kinahanglan usab sila nga may pre-booked nga nga hotel sa labing menos pito ka gabii sa usa ka accredited hotle o pasilidad, kay kinahanglan sila ipailawom sa COVID-19 testing sa ilang hotel sa ika unom ka adlaw nila didto, gikan sa unang adlaw sa ilang pag-abut.)
Matud pa ni Roque nga epektibo kini sugod niadtong Pebrero 1, 2021.
“The entry of these foreign nationals will be subject to the maximum capacity of inbound passengers at the port and date of entry,” dugang pa ninRo.
(Ang pagsulod niining mga langyaw, kinahanglang subay sa labing dyutay nga kapasidad sa mga mangabut sa ilang lugar nga gisudlan ninang adlawa.)
Gitumbok ni Roque nga gihatagan na usab ug kamanduan ang Bureau of Immigration sa pagmugna ug sumbanan alang sa himuong pagpatuman niini.
Matud pa ni Roque nga kining bag-ong lakang, gihimo isip pagsunod sa bag-ong polisiya sa Inter-Agency Task Force (IATF).
Kahinumdoman nga gipatuman ang travel ban gikan sa mga nasod sa United Kingdom (UK), Denmark, Ireland, Japan, Australia, Israel, the Netherlands, China, Hong Kong, Switzerland, France, Germany, Iceland, Italy, Lebanon, Singapore, Sweden, South Korea, South Africa, Canada, Spain, the United States, Portugal, India, Finland, Norway, Jordan, Brazil, Australia, Pakistan, Jamaica, Luxembourg, Oman, United Arab Emirates, ug Czech Republic.