Sinulat ni Dave Albarado
Sa kasamtangan, 400 mil pa lamang ka doses sa bakuna ang mapalit sa Bohol, kana kon wala nay lain pang local nga kagamhanan nga naglaraw alang sa pagpamalit sa bakuna alang sa ilang mga konstituwente.
Matud ni Dr. Cesar Tomas Lopez, tigpamaba sa Bohol Inter Agency Task Force (BIATF), makapalit ang kagamhanan nga Probinsyal ug mga 200 mil ka doses, samtang gitaho usab nga ang Bohol Chamber of Commerce and Industry nga may susama usab ka kadaghanon sa doses sa bakuna nga ilang mapalit.
Kinahanglan matupukan ang 700 mil ka mga Bol-anon sa bakuna aron makuha ang herd immunity nga gikinahanglan aron wala nay mataptan sa kagaw.