Sinulat ni Elvira Bongosia
Nipagawas ug hiniusang advisory ang Department of Trade & Industry (DTI) ug Department of Health (DOH) kalabot sa mitumaw nga isyu nga may ubang laboratoryo nga nagduha-duha sa pagpaubos sa ilang mga presyo ubos sa gilatid nga reference price sa reverse transcription polymerase chain reaction (RT -PCR) test.
Ang DTI ug DOH miklaro nga ang pribado ug pampublikong mga laboratoryo, mahimong maningil sa mga pasyente alang sa Coronavirud disease (Covid) testing sa presyong mas ubos sa gilatid sa DOH Circular No. 2020-0391. Ang duha ka ahensya mitumbok nga gitugot kini kun ang gihatag nga kalidad sa serbisyo gipadayon.
Gipasalig sa DTI ug DOH nga walay mga silot nga ipahamtang sa mga gustong mopaubos sa ilang presyo.
Apan kadtong mopasaka sa ilang presyo nga labaw sa maximum price cap nga P5,000.00 alang sa mga pribadong laboratoryo ug P3,800.00 alang sa mga pampublikong laboratoryo pahamtangan ug silot.
“Further, it must be noted that the amounts indicated as price caps are subject to periodic review and may change depending on prevalent economic factors,”
(Dugang pa, kinahanglan nga masabtan nga ang presyo nga gilatip isip utlanan sa kamahal, ipaubos pa gihapon sa pagrepaso ug mamahimong mausab segun sa kahimtang ekonomikanhon, matud pa sa nakalatid sa hiniusang advisory.)
Ang DTI ug DOH miila nga ang mga Pilipino
kinahanglan mapanalipdan gikan sa dili angay nga peligro sa pinansyal kun mo-avail sa RT-PCR testing nga usa ka mahinungdanong serbisyo ning panahon sa public health emergency.
Magpadayon ug monitor, pagtimbang-timbang ug pagpatuman niining mga presyo ang DTI ug DOH aron pagseguro nga magpabiling barato ug de kalidad ang Covid testing.