Sinulat ni Elvira Bongosia
Buksan na sa Commission on Elections (COMELEC) ang voter registration matag adlaw’ng Sabado.
Gipahibalo ni Comelec Commissioner Rowena Guanzon nga magsugod na kini sa Pebrero 20, 2021, gikan sa alas 8 sa buntag hangtod alas 5 sa hapon.
Tungod niini, wala na’y rason ang mga dili mahimong magparehistro matag weekdays kun magsugod na ang COMELEC mangdawat sa adlaw nga Sabado.
“So wala na kayong excuses dyan mga bata, ‘yung magiging 18 years old sa May 9, 2022 or before May 9, magregister na kayo please. Kaya ginawa itong Saturday registration, para talaga sa inyo,” matud pa sa pahayag ni Guanzon.
Samtang gipahibalo usab niini nga sarado ang mga buhatan sa COMELEC matag adlaw nga Lunes alang sa disinfection mao nga adunay Martes hangtod Sabado ang publiko aron makapatala gikan alas 8 sa buntag hangtod alas 5 sa hapon.
Una nang miingon ang COMELEC nga gitan-aw nila ang pagpa-uswag sa oras alang sa voter registration aron daghan pa silang ma-accommodate.
Sa pagkakaron, naana sa usa ka milyong mga bag-ong botante pa lamang ang natala sa komisyon nga layo pa sa upat ka milyon nilang target.