Sinulat ni Dave Charles Responte
Kanhi Sangguniang Kabataan (SK) chairman ug barangay secretary sa barangay Villanueva, Tubigon nadakpan human sa buy bust operation sa mga pulis.
Gi-ila ang suspect nga si Marjun Adlaon Atacador, 26, gi-ilang street level individual drug watchlist nga taga Villanueva, Tubigon, Bohol.
Gidakop ang suspect niadtong Dominggo sa gabie, didto sa barangay Villanueva, lungsod sa Tubigon.
Nasakmit gikan sa suspect ang usa ka heat-sealed sachet sulod ang gituohang shabu nga maoy subject sa buy bust, P500 buy bust money, tulo ka gamay nga sachet diin adunay sulod nga gituohang shabu.
Gibana-banang anaa sa 0.16 grams ang nasakmit nga gituohang shabu ug adunay Dangerous Drugs Board value nga P1,088.00.
Gibilanggo karon ang suspect sa Tubigon Municipal Police Station lock up jail samtang ang ebidensiya gisumiter ngadto sa Bohol Philippine National Police (PNP) Crime Laboratory para sa examination.
Magatubang ug kaso ang suspect nga paglapas sa section 5 ug section 11, article 2 sa Comprehensive Dangerous Drugs Act of 2002.