Sinulat ni Dave Albarado
Gob. Arthur Yap nagpatawag ug follow-up meeting sa mga sakop sa Bohol Environment Management Office (BEMO) ug Schema Engineers & Associates aron mapadali ang pagpatuman sa atong mga proyekto sa panubig.
Nahitabo ang maong tigum niadtong miaging adlaw Martes, Pebrero 16, 2021, sumala sa taho gikan sa Primer.
Gi-follow up sa gobernador ang mga kadagkuan sa Schema Engineers & Associates kon kanus-a mahuman ang detailed engineering design aron makapadayon sa pagbidding sa proyekto sa panubig nga gipasiugdahan sa Kapitolyo.
Kauban sa miting sila si Manolo Dador and managing partner sa Schema Engineers and Associates, ang water engineer nga si Victoria Adecer, si Jovencia Ganub nga pangulo sa BEMO ug si Engr. Calixto Seroje.