Gikan sa Primer ni Ven Arigo
Si Gob. Arthur Yap kauban ang mga kadagkuan sa Bohol Energy Development Advisory Group (BEDAG), National Grid Corporation of the Philippines (NGCP) ug mga Distribution Utilities (DUs) nagmiting mahitungod sa pinaka-ulahing updates sa One Bohol Power (1BP) Project diin gipaabot nga maoy solusyon sa problema sa kuryente diri sa lalawigan.
Gihisgutan sa maong miting ang mga konsiderasyon sa pagpili sa mopatuman sa maong proyekto kauban ang ubang butang nga adunay kalambigitan sa pagtukod sa maong planta sa Bohol.
Mitambong usab sa maong virtual meeting sila si Engr. Dino Roxas – Chairman sa the 1BP Joint Competitive Selection Process (JCSP), NGCP Corporate Project Officer Roby Luigi Soriano, Provincial Planning and Development Officer Atty. John Titus Vistal, Bohol Provincial Tourism Council Chairman Atty. Lucas Nunag ug Provincial Legal Officer Atty. Nilo Ahat.
Sa miaging semana, mipahigayon ug Joint Competitive Selection process ilawom sa 1BP nga gilangkoban sa Bohol Electric Cooperative (Boheco) 1 ug 2 ug Bohol Light Company Inc. alang sa long term power supply sa Bohol nga magsugod sa 2023 hangtud ss 2033.
Gipahigayon ang pagbukas sa technical, financial, ug bidding proposals alang sa tukuron nga planta sa kuryente nga mosupply ug kuryente sa isla sa Bohol.
Gihimo ang maong kalihokan didto sa lungsod sa Panglao.