Sinulat ni Elvira Bongosia
Gilagdaan na ni Presidente Duterte ang paghimong balaod sa Financial Institutions Strategic Transfer (FIST) nga magmugna ug specialized asset-managing corporations.
Base sa Republic Act No. 11523, ang FIST maoy magtukod sa specialized asset-managing corporations nga mokuha sa mga “bad loans and stagnant properties” sa mga nabangkarota nga mga pinansyal nga institusyon.
Nalakip usab niini nga ang usa ka FIST corporation mahimong mamuhonan; mokuha ug non-performing assets (NPAs) gikan sa usa ka pinansyal nga institusyon; ug malambigit sa third parties aron magdumala, magpadagan, mangolekta, ug mokuha ug NPA.
Isip parte sa economic recovery program sa Duterte Administration, ang FIST magpalig-on sa sektor sa pinansyal pinaagi sa paghimo sa mga bangko sa maayong paagi sa pag- dispose sa ilang mga non-performing loans ug assets, hinloan ang ilang balance sheets, ug ipaabot ang pagpautang ngadto sa mga sektor nga mas nanginahanglan.
Ang maong balaod usa sa mga gisertipikahang urgent ni Presidente Duterte.