Sinulat ni Elvira Bongosia
Nipasidaan ang Philippine Drug Enforcement Agency (PDEA) sa publiko batok sa pipila ka indibidwal nga nagpaila isip ahente sa ahensya.
Kini human sa pagkamatay sa duha ka suspek nga giingong nalambigit sa aktibidad nga kidnap for ransom sa nahitabong shootout sa Botolan, Zambales.
“The slain suspects reportedly belonged to the same group of men and women who wore PDEA uniforms rushing to arrest a man in Ususan, Taguig last February 4, 2018. The incident was caught in CCTV footage,” matud pa sa pahyag ni PDEA Director General Wilkins Villanueva.
Dili kini ang unang higayon nga gigamit ang uniporme sa PDEA alang sa ilegal nga aktibidad.
Base sa balaod, mapasakaan ug kaso ubos sa Revised Penal Code ang dili awtorisadong pagsuot ug uniporme o insignia sa PDEA.
Matud pa ni Villanueva nga ginasunod sa PDEA ang standard operating procedures sa pagpahigayon ug mga lehitimong anti-drug operation.
“Our operations are always coordinated with the local police and the conduct of search operations are always armed with search warrants issued by court,” pahayag pa niini.
Gi-awhag sa PDEA Director ang publiko nga magbinantayon ug i-report dayon sa PDEA ang mga susamang insidente.
“I encourage the public to be vigilant and report to PDEA any similar incidents involving suspicious individuals masquerading as PDEA agents,” awhag pa ni Villanueva.
Mahimong ipaabot ang report pinaagi sa ‘Isumbong Mo Kay Wilkins!’ Facebook page o motawag o mo-text sa hotline numbers nga 09953547020 ug 09310278212.