Sinulat ni Dave Albarado
Ang Department of Agriculture (DA)-7 sa Central Visayas migatag sa kapin P1.41 million nga kantidad sa irrigation system ngadto sa usa ka grupo sa mag uuma sa Bohol.
Matud pa sa taho ang DA-7 mitugyan sa maong irrigation system ngadto sa Can-olin Farmers Association sa lungsod sa Candijay.
Gibutyag sa taho gikan sa rehional nga buhatan sa DA nga ang Can-olin Spring Development Project pinasubay sa panawagan ni Agriculture Secretary William Dar aron pagpasaka sa produksiyon sa umahan pinaagi sa mas han-ay nga irrigation system.
Ang maong irrigation project gilaoman nga makaserbisyo sa kinatibuk-ang 15 hektaryas nga basakan sa naasoy nga dapit.
Gipahayag ni sa taho sa DA nga ang ahensiya magpadayon sa paghatag sa dugang mga proyekto dinhi sa rehiyon uban sa padayong pagsuporta sa mga local government units dinhi sa Bohol ug sa kongreso.
Gipaniguromsa DA nga padayon ang paghatag ug mga liso, fertilizers, ug mga kahimanan sa paguma ngadto sa mga mag-uuma isip kabahin sa nagkadaiyang interventions gikan sa nagjadaiyang dagkong programa sa ahensiya.
Sa laing bahin, ang DA-7 mi-turnover sab ug laing proyekto nga Bayong Diversion Dam ngadto sa Bayong Small Farmer Irrigators Association sa lungsod sa Guindulman.