Sinulat ni Dave Albarado
Usa ka akusado nga pinangita sa balaod ang nasikop didto sa lungsod sa Baclayon, sumala sa taho gikan sa Kampo Dagohoy.
Ang taho nagingon nga ang kapulisan mihimo ug operasyon diin nasikop ang akusado niadtong adlaw Huebes, Marso 4, 2021 didto sa barangay Guiwanon, Baclayon.
Dugang sa taho, nailhan ang suspetsado nga si Ronnel Olidelis, 25, nga taga Purok Lemonsito, barangay Guiwanon, Baclayon.
Matud sa taho nga gisilbe ang alias warrant ngadto sa suspetsado sa mga kapulisan gikan sa Baclayon police station.
Ang maong warrant giluwatan ni Judge Joel Lucasan sa Metropolitan Trial Court National Capital Region branch 27 nga pinitsahan ug Marso 25, 2019.
Nag-atubang ang maong akusado sa kaso nga estafa ug ge-rekomendar sa korte ang pyansa nga nagkantidad ug P18,000.
Natanggong ang maong akusado sa custodial facility sa Baclayon police station human sa pagkasikop, sumala pa sa taho.