Sinulat ni Dave Albarado
Kapin sa tunga ka milyon ka pesos nga kantidad sa gituohang shabu ang nasakmit sa kapulisan human sa usa ka drug buy bust operation diin nasikop usab ang usa drug suspek, matud pa sa taho gikan sa Kampo Dagohoy.
Gi-ila ang suspect nga si Franklin Rollinas, 30, walay trabaho ug taga Purok 1, barangay Tiptip, Tagbilaran City, sumala sa susamang taho.
Gidakop ang suspek sa mga sakop sa kapulisan ug taga Philippine Drug Enforcement Agency (PDEA).
Gidakop ang gikatahapan pinaagi sa usa ka buy bust operation nga gihimo niadtong adlaw Miyerkules, Mar. 10, 2021 didto sa Purok 8, barangay Tiptip, Tagbilaran.
Nasakmit gikan sa suspect ang usa ka dakong bulto sa sachet sulod ang gituohang shabu nga maoy tumong sa buy bust.
Gibana-banang anaa sa 75 grams ang nasakmit nga gituohang shabu ug dunay Dangerous Drugs Board value nga P510, 000.
Gibilanggo karon ang suspect sa sa lock-up jail samtang ang ebidensiya gisumiter ngadto sa Crime Laboratory para sa examination ug custody.