Sinulat ni Elvira Bongosia
Gihimong special working days na ang All Souls Day (Nobyembre 2), Christmas Eve (Disyembre 24), ug New Year’s Eve (Disyembre 31) karong tuig human gi-usab ni Presidente Duterte ang unang gipagawas nga listahan sa mga holidays alang sa 2021.
Ang mga nahisgotang petsa gi-deklarar kaniadto nga mga non-working days.
Matud pa sa Malakanyang, gibakwi ni Duterte ang mga mga naasoy nga adlaw nga kaniadto gi-declarar nga walay trabaho aron madugangan ang suholan sa mga mo-trabaho, aron matabangan nga makabawi ang ekonomiya nga naapektuhan ug maayo tungod sa pandemya.
Nahisulod sa Proclamation No. 1107 nga gilagdaan ni Duterte niadtong Pebrero 26, 2021 ang pagminos sa mga non-working days.
Nakalatid usab sa proklamasyon nga naa sa state of calamity pa gihapon ang nasod tungod sa Coronavirus disease (Covid)
Miingon si Duterte nga kinahanglang madugangan ang ‘economic productivity’ ug makuhaan ang pag-undang sa trabaho samtang e-obserbar ang ilang special holidays isip special working days.
“For the country to recover from the adverse economic impact of the COVID-19 pandemic, there is a need to encourage economic productivity by, among others, minimizing work disruption and commemorating some special holidays as special (working) days instead,” nakalatid sa proklamasyon.