Sinulat ni Dave Albarado
Usa ka lalaki nga gipangita sa balaod tungod sa alegasyon nga siya nanglugos ang gisikop sa kapulisan, matud sa taho gikan sa Kampo Dagohoy.
Gi-ila ang gikatahapan nga si Fermin Horcera, 73, taga Purok 7, barangay Lourdes, Panglao, Bohol.
Gidakop ang naasoy nga gikatahapan sa tracker team sa Panglao Municipal Police Station ug sa Provincial Intelligence Unit mga alas 2:10 sa hapon, niadtong adlaw nga Miyerkules, Marso 10, 2021, didto sa barangay Poblacion, Panglao.
Gipatuman sa joint team ang warrant of arrest nga giluwatan ni Judge Leo Moises Lison, presiding judge RegionalnTrial Court (RTC) branch 3 dinhi sa dakbayan sa Tagbilaran gumikan sa alegasyon nga nakahimo ang gikatahapan sa krimen nga rape.
Gibilanggo karon ang gikatahapan sa Panglao Municipal Police Station lock-up jail, sumala pa sa taho.