Gikan sa PRIMER
Gov. Arthur Yap
Gob. Arthur Yap mitambong sa wreath laying ceremony alang sa 456th Blood Compact commemoration kauban sila si Mayor John Geesnell Yap, Tagbilaran City First Lady Jane Yap, Cong. Edgar Chatto ug Bishop Alberto Uy alang sa wreath laying ceremony para sa ika-456 nga paghinumdom sa Blood Compact.
Gisaulog niadtong Martes, Marso 16, 2021, sa dakbayan sa Tagbilaran ang anibersaryo sa kasabutan sa paghinigalaay ni Miguel Lopez De Legazpi ug Datu Sikatuna pinaagi sa usa wreath laying ceremony.
Gawas niini, gi-blessingan usab ang San Jose Altaritas para sa umaabot nga fiesta sa dakbayan ug ang usa sa mga pasilidad sa pagbakuna.
Mitambong usab sa maong kalihokan ang mga opisyales sa dakbayan sa Tagbilaran.
Prosperity teams gipadala ngadto sa mga kalungsuran sa Bohol
Sinulat ni Dave Albarado
Ang Philippine Army (PA), Philippine National Police (PNP) ug kagamhanang probinsiyal sa Bohol mi-padala sa mga prosperity teams sa mga pipila ka mga lungsod sa Bohol.
Ang kagamhanang probinsyal sa Bohol kauban sa 47th Infantry Battalion sa PA ug PNP mipahigayon ug pre-deployment briefing ug send-off ceremony sa Prosperity Team ubos sa Community Development Program niadtong Marso 15, 2021 didto sa Ceremonial Hall sa kapitolyo.
Ang bahan nga ipadala isip Prosperity Team naglangkob sa mga community organizers sa kagamhanang probinsyal, PNP ug Community Support Team sa PA.
Ang naasoy nga kalihokan gitambongan ni Gob. Arthur Yap ug gitambongan sa nagkadaiyang lokal ug nasudnong mga ahensya.
Ang mga prosperity team i-deploy sa mga lungsod sa Catigbian, Balilihan, Bilar ug Sevilla. Ang mga bahan magpabilin sa mga barangay ug makighimamat sa mga katawhan aron mahibaw-an ang ilang nag-unang panginahanglan.
Atol sa send off ceremony, si Yap mipadayag sa iyang mga hunahuna sa kasamtangang sitwasyon sa probinsiya nga gawas sa pakigbisog sa Covid-19 pandemic, laing virus nga milanat na sa kapin 52 ka tuig nga mao ang problema sa insurehensya nga giatubang sa nasod karon.
Si Yap mipadayag sa hugot nga suporta alang sa kampanya sa kalinaw ug midasig sa tanang sektor ug nagkalain laing mga ahensya sa pagsuporta sa prosperity team subay sa Community Support Program sa PA.