Sinulat ni Dave Albarado
Usa ka mananagat ang nalumos patay, matud pa sa usa ka taho gikan sa Kampo Dagohoy.
Gi-ila ang biktima nga si Reynold Arana, minyo, 34, mananagat ug taga Purok 6, Danao, Panglao, Bohol, sumala pa sa samang taho.
Base sa imbestigasyon sa mga tinugyanan sa Panglao Police Station nagbutyag nga niadtong Marso 15, 2021 mga alas 5 sa hapon, ang biktima nidung sa dagat aron ma-mana didto sa kadagatan sa barangay Poblacion, Panglao ug wala na kini makauli Martes sa buntag.
Gihimoan kini ug search and rescue sa Municipal EnvIronment and Natural Resources Office (MENRO) sa Panglao pagka alas 12 sa udto niadtong Martes ug nabangalan ang patay nga lawas sa biktima didto sa kadagatan sa barangay Poblacion.
Pinasikad sa post mortem examination nga gihimo sa Panglao Municipal Health Office nagbutyag nga ang hinungdan sa kamatayon niini mao ang pagkalumos.