Sinulat sa Primer
Gob. Arthur Yap (sa tuo) mihatag sa iyang hamubo nga pakigpulong atol sa iyang pagbisita sa lungsod sa Panglao diin mi apud-apud siya ug mga hinabang sa mga taga Panglao. Hulagway gikan sa Primer
Mibisita si Gob. Arthur Yap sa Barangay Danao, Panglao, niadtong Biyernes, Mar. 26, 2021, aron siya mismo mutunol sa P25,000 nga mga cheke isip ayudang tabang sa mga proyekto sa barangay.
Nakadawat ang mga kapitanes ug opisyales sa barangay sa Doljo, Danao, Poblacion, Tawala, ug Looc.
Nanghatag usab si Office of the Provincial Social Welfare and Development (OPSWD) Head Carmelita Tecson ug tag P4,000 nga ayuda alang sa mga Day Care workers isip tabang sa ilang pagpanerbisyo sa niaging tuig.
Mitambong sa pagpanghatag sila Board Member Ricky Masamayor, Panglao Mayor Representative Deo Gudin, Liga ng mga Barangay President Jose Arbritrario ug Municipal Social Welfare and Development Office (MSWDO)Concepcion Ferolino.