Sinulat sa PRIMER
Si Gob. Arthur Yap nga nagahatag sa iyang pakigpulong atol sa pagpahigayon sa HEART Caravan sa lungsod sa Sevilla. Nahitabo ang maong kalihukan niadtong Marso 24, 2021. Contributed photo
Gidala ni Gob. Arthur Yap ang nagkalain-laing buhatan ubos sa kagamahanang probinsyal ubos HEART Caravan alang sa pagpanghatag ug serbisyo sa katawhan sama sa pagpanghatag ug libreng check up, libreng tambal, libreng legal services, libreng tupi, ug tabang pinansyal.
Gihimo ang maong aktibidad niadtong Marso 24, 2021.
Matud pa sa gobernador, gihimo nga instrumento ang kagamhanang probinsyal sa paghatod ug dinaliang tabang sa atong mga kaigsuonan sa mga hilit nga kabarangayan para dili na sila maglisud ug mobyahe pa sa layo aron makatagamtam sa libreng serbisyo.
Gawas niini, gipang-apud apud ni Yap ang tinuig nga tabang pinansyal nga nagkantidad ug P25,000 ngadto sa tanang barangay sa Sevilla.
Gidala usab niya ang honorarium alang sa atong nga Barangay Livestock Aides para sa tuig 2020 diin dakong pasalamat nila nga sa 24 ka tuig nila nga boluntaryo nga pagpanerbisyo makadawat na gyod sila ug honorarium karon.
Lain nga gidala sa gobernador ang Philippine Coconut Authority -aron mahatagan ang atong mga coconut farmers ug food subsidy isip ayuda karon nga panahon sa pandemya.
Kauban nga mihatag sa ilang libreng serbisyo ang Department of the Interior and Local Government (DILG), 47th Infantry Battalion ug ang Philippine National Police (PNP).
Mitambong usab sa maong kalihokan sila si Sevilla Mayor Juliet Dano, Mayor Kat Lim sa Valencia, , Mayor Virgilio Mendez sa San Miguel, DILG Provincial Director Jerome Gonzales ug uban pa.