Sinulat ni Rey Anthony Chiu
Tungod sa padayong pagsaka sa gidaghanon sa mga kaso sa Coronavirus disease (Covid) ang Inter Agency Task Force (IATF) mimando sa pagdumili usa sa pagdawat sa mga langyaw nga mosulod sa nasud sugod adtong Marso 22 hangtud sa Abril 21, 2021.
Ang IATF, gilimitahan niini sa 1,500 ang gidaghanon sa mga mudulong sa nasud gikan sa gawas nga mga international travelers. Hinoon dawaton lang ang mga Returning Overseas Filipinos sa nasud ug walay labot ang mga langyaw.
Tugutan hinoon ang mga diplomatiko, mga sakop sa mga international organizations, ug ang ilang dependents ug kinahanglan nag kupot ug tukmang visa nga gi-isyu sa kagamhanan sa Pilipinas.
Mahimo nga makasulod sa nasud kadtong mga seaman nga langyaw, mga Returning Overseas Filipinos nga adunay mga giatubang nga mga kakulian, ug mga langyaw nga gihatagan sa katungod makasulod sa nasud tungod sa humanitarian nga mga rason.
Gi-aprobahan ang maong memorandun atol sa adlaw diin nisikad sa 5,404 ka mga kaso ang natala sa Pilipinas.
Matud pa ni Sec. Delfin Lorenzana ang hinungdan sa pagsaka sa gidaghanon sa mga kaso sa Coronavirus disease (Covid) tungod kay daghan ang dili mutamod sa mga gitakda nga health and safety protocols sa mga tapok-tapok, pagdaghan sa mga tawo nga manuroy, delay sa detection ug pagisolate sa mga adunay sakit nga Covid, ug ang pagsulod sa bag-ong variant sa Covid virus.