Sinulat ni Elvira Bongosia
Gi-awhag sa Department of Health (DOH) ang mga opisyal sa gobyerno ug publiko nga i-respeto ang prioritization policy alang sa mga mabakunahan sa coronavirus disease (Covid) vaccines.
Kini ang pahayag ni DOH Undersecretary Maria Rosario Vergeire human magpabakuna si Ta cloban City Mayor Alfred Romualdez batok sa Covid taliwala sa pag-prayoridad sa mga healthcare workers.
“Gusto namin makiusap sa ating mga kababayan at mga fellow official meron tayong sinusunod na prioritization framework. This prioritization framework, hindi po natin iyan inilagay just for anything else because we have specific objective in this response for COVID-19,” pahayag ni Vergeire sa usa ka press briefing.
“As I see this, I again implore ‘yung tulong ng mga kababayan at fellow officials–sana intindihin natin ang framework,” pagtumbok pa niini.
Giklaro usab ni Vergeire nga wala gi-awhag sa DOH ang “Plus one” scheme diin ang immediate family sa healthcare workers mabakunahan usab.
Matud pa sa opisyal nga nihatag na sila ug pasidaan sa mga regional directors sa DOH.
“Huwag natin kunin ‘yung bakuna na dapat sa tao na magliligtas ng ating buhay. Hindi natin ito recommended, hindi natin ie-encouraged, walang protocol na Plus 1,” pasabot pa ni Vergeire.
Nanawagan usab kini nga unta hinumdoman ang World Health Organization (WHO) nga nihatag ug pasidaan nga kun adunay paglapas sa atong gilagdaang kasabotan tali nila pinaagi sa COVAX facility, basin makumpromiso ang dugang o umaabot nga supply niining mga bakuna nga ihatag sa gobyerno sa Pilipinas.
Gi-awhag niini nga hulaton na lamang kun kanus-a mabakunahan ang matag usa tungod sa limitado ang COVID-19 vaccines sa nasud.
Gi-awhag ni Vergeire ang publiko nga kun makakita ug mga tawo nga ‘jumping the line or skipping the line’ alang sa pagbakuna, mahimong motawag sa DOH hotline o sa ilang mga rehiyonal nga buhatan aron ma-imbestigahan ug mahunong kini.