Bohol Tribune
Bisaya

NPA sa Kabisay-an, nagkaluya apan di angay kompyansahan

Sinulat ni Rey Anthony H. Chiu

Hinayhinay na nga nagkaluya ang mga komunista nga terorista nga grupo dinhi sa Sentrong Kabisay-an, kini maoy kinatibuk-an nga pagtimbang-timbang sa mga sakop sa armadong kusog nga karon natahasan sa pagpatunhay sa seguridad sa rehiyon.

Gani, base sa taho sa Philippine National Police Regional Office 7, gikan sa upat ka fronts nga nag-operate sa Central Visayas, tulo na lang ang nahibilin, human gipusgay sa mga tropa sa kagamhanan ang Southeastern Front nga nanghasi sa Siaton ug Santa Catalina sa sidlakang lalawigan sa Negros.

“Daghan silag kauban nga nakalas ug labing daghan ang mga armas nga nakuha pagbalik sa mga tinugyanan, mao nga maglisud pa sila og harung sa mga tinugyanan sa balaod,” segun pa ni Lt. Col. Glenn Mayam. 

Nagpabilin pa karon ang tulo ka fronts: ang Central Negros 1, Central Negros 2 ug ang Bohol Party Committee, matud pa ni Mayam didto sa katapusang tigum sa Regional Peace and Order Council.

Ug sa pangagpas nga aron mahulipan ang mga namatay nga mga manggugubat, gitagna nga mobolhot na usab ang pagpang-haylo sa mga kabatan-onan aron makig-anib sa teroristang pundok, sumala pa sa mga tinugyanan.

Related posts

COVID booster shot sa mga nag-edad 12-17 anyos gitun-an pa – DOH

The Bohol Tribune
3 years ago

Laraw sa NHA ang dugang nga cash aid alang sa mga Bol-anon nga nadaot ang ilang balay

The Bohol Tribune
3 years ago

32 ka mga Siquijodnong LSI gihatud pauli sa PCG

The Bohol Tribune
5 years ago
Exit mobile version