Sinulat ni Elvira Bongosia
Pres. Rodrigo Duterte
Giklaro ni Presidente Rodrigo Duterte sa pinakaulahing meeting sa Inter-Agency Task Force (IATF) on the Emerging Infectious Diseases nga naa pa sa bangko ang pondong gigahin alang sa mga palitonong bakuna batok sa Coronavirus disease (Covid).
Gihimo sa Presidente ang pahayag niadtong Lunes sa gabii, Marso 22, 2021, human gi-kwestyon nila Senador Panfilo Lacson ug Risa Hontiveros kung nganong nalangay ang pag-abot sa mga bakuna sa nasod bisan bilyones na ang nautang sa gobyerno alang niini.
Matud pa ni Duterte nga wala guniti sa gobyerno ang “cold cash” tungod kay tua pa kini sa nagpautang nga bangko.
“Ang buong akala nila ‘yung pera na bilyon na ibigay nila sa Kongreso, nandiyan na sa kamay natin na it’s cold cash,” Nasaan na yung pera? Sinasabi na natin time and again, that the money is still with the lending banks,” matud pa ni Duterte.
Giseguro sa Presidente nga bisan usa ka sentimo, walay nagamit sa salapi ug ang mga nangabot nga mga bakuna puro donasyon lamang.
Gisegurado usab niini nga wala’y mahimong korapsyon tungod kay ang salapi e-diretso man sa mga naghimo sa bakuna.
Giingong ang bangko mismo ang magbayad kun ma-deliver na ang mga bakuna.
Nanawagan usab si Duterte sa mga kritiko nga maghinay-hinay sa ilang mga walay basehang akusasyon.