Sinulat ni Dave Albarado
Dili moubos sa 330 ka mga benepisyaryo sa Tulong Panghanapbuhay sa Ating Disadvantaged / Displaced Workers (TUPAD) sa Tagbilaran ang nakadawat ug tag P5,000 matag usa nga hinabang, matud pa sa usa ka taho.
Ang 330 ka benepisyaryo silang tanan nawad-an ug trabaho, mao sila gitabangan sa Department of Labor and Employment (DOLE).
Gitagaan matag usa ka nila ug P5,000 human sila mittrabaho ubos sa programa sa nasodnong kagamhanan nga TUPAD.
Ang mga benepisyaryo sa TUPAD gihatagan ug trabaho nga mulungtad gikan sa napulo hangtod sa 30 ka adlaw depende sa klase sa trabaho nga ilang silbihan.
Ang pagpanghatag sa benepisyo nga gipahigayon sa Tagbilaran City Atrium niadtong adlaw Huwebes, Abril 8, 2021, gipangulohan kini ni Mayor John Geesnell Yap II, Konsehal Jonas Cacho, Konsehal Elizer “Ondoy” Borja ug mga empleyado sa DOLE.
Matod pa sa mayor nga ang tanang mga nawad-an ug tranaho gitugutan nga makapahimos sa maong programa pinaagi sa kagamhanan sa Tagbilaran basta nga sila mga residente sa dakbayan.
Sa iyang bahin si Cacho mapasalamaton ni Senador Joel Villanueva kinsa mitabang nga makakuha ug pundo alang sa pagpahigayon sa maong programa dinhi sa dakbayan.