Sinulat ni Dave Albarado
Apil ang Diyosesis sa Tagbilaran nga mihinayhinay ug wagtang sa arancel o ang sistema sa pagpabayad ug gitakda nga mga bayranan aron makatagamtam ug mga sebisyo alang sa mga sakramento sa Simbahang Katoliko sama sa bunyag, kasal ug uban pa.
Matod ni Padre Agerio Paña, ang chancellor sa Diyosesis sa Tagbilaran atol sa pakighinabi pinaagi sa tulumanon sa radyo nga Newsmakers ug Uban Pa niadtong adlaw Miyerkules, Abril 7, 2021 nga gidumala nila Ardy Araneta-Batoy ug Dave Albarado nga dinhi sa Diyosesis sa Tagbilaran daan nang gihinayhinayan ug tangtang kining arancel sugod niadtong tuig 1998 subay sa unang Diocesan Synod.
Gihulip sa arancel ang ka sistema sa paghatag ug hinabang sa simbahan nga ipatuman sa mga parokya. Sa bag-ong sistema, ang matag Katoliko nga pamilya adunay binuwan nga tampo isip suporta sa simbahan.
Tungod niini dili na mobayad ang katawhan sa mga serbisyo sa simbahan sama sa bunyag, kasal ug uban pa kon himoon sa gitakda nga adlaw sa pagpahigayon ug mga sakramentogawas kon ang mga sakramento o serbisyo himoon sa l espesyal nga mga adlaw.
Sayo niini gibutyag ni Bishop Daniel Parcon sa Diyosesis sa Talibon nga wala nay gitakda nga kantidad o suhol alang sa pagpahigayon ug serbisyo sama sa kasal, bunyag ug uban pa. Magsugod kini karong umaabot nga Mayo 1, 2021, matud ni Parcon.