Sinulat ni Elvira Bongosia
Pito ka comorbidity o sakit ang gikonsiderar sa gobyerno aron maapil ang usa ka indibidwal sa prioritization sa pagbakuna batok sa coronavirus disease (COVID-19).
Base sa COVID-29 vaccine prioritization framework, ikatulo sa listahan sa mga mabakunahan ang han-ay sa mga may comorbidities.
Apil sa mga sakit nga prayoridad sa gobyerno sa pagbakuna mao ang: chronic respiratory disease, hypertension, cardiovascular disease, chronic kidney disease, malignancy, diabetes mellitus, ug obesity.
“These comorbidities increases a persons risk for hospitalization or death if they get infected to COVID-19,” matud pa ni Dr. John Wong nga usa ka epidemiologist ug miyembro usab sa IATF-Technical Working Group on Data Analytics.
Pasabot pa ni Dr. Wong, may pagtuon niadtong tuig 2020 diin migawas nga 21.32% o 12.1-milyon sa mga Pilipino ang may gihambing sakit.
Gibanabanang 25.55% o 14.5-milyon ang may kapin sa usa kacomorbidities, ug 4.23% o 2.4-milyon ang may kapin sa duha ka sakit.
Apan gipasabot ni Department of Health (DOH) Undersecretary Maria Rosario Vergeire nga ang mga maapil sa listahan kinahanglang magpresentar ug medical certificate nga gi-isyu sulod sa 18 ka buwan o prescription sa ilang kahimtang sa nakalabay nga unom ka buwan.
Ning bag-o lang, nagpagawas uresolusyon ang Inter-Agency Task Force nga gitugotan ang pagbakuna sa A1 hangtod A3 priority groups.
Nahisulod niining grupo ang mga healthcare workers, senior citizens, ug mga may comorbidity.