Sinulat ni Dave Albarado
Kantidad sa P40,000 sa gituohang shabu ang nasakmit sa City Drug Enforcement Team (CDET) sa Tagbilaran Police Station human sa usa ka buy bust operation, matud pa sa usa ka taho.
Nahitabo ang naasoy nga buy bust operation niadtong adlaw nga Miyerkules, Abril 7, 2021, didto sa barangay Taloto ning dakbayan, dugang pa sa asoy.
Ang dinakpan nga gikatahapan naila nga si Felixander Escobilla, hingkod ang panuigon ug molopyo sa purok 1, sakop sa barangay Taloto.
Giingon nga nasakmit gikan sa gikatahapan ang gituhohang shabu nga adunay kantidad ug dili momenus ug P40,000.
Gihulagway sa mga tinugyanan sa CDET nga ang maong suspetsado usa ka street level individual (SLI).
Kasong kalapasan sa Sec. 5 ug 11 sa Republic Act 9165 ang ipasaka batok sa maong suspetsado.