Sinulat ni Dave Albarado
Pinasikad sa mga sa datos nga gipagawas niadtong Lunes, Abril 5, 2021, ang porsyento sa midawat sa bakuna dinhi sa Bohol, miabot sa 98.8%, labing taas nga ‘acceptance rating’ alang sa mga midawat nga magpabakuna gikan sa Central Visayas.
Ang taas nga porsyento sa pagdawat nagpakita nga ang mga medical frontliners sa Bohol nasayod sa mga risgo nga dala sa Coronavirus disease (Covid).
Ang datos gipagawas sa National Immunization Program coordinator for Bohol, Macchiavelia Loida Caliao, atol sa usa ka Kapihan sa PIA niadtong Abril 5, 2021.
Matud pa nga kong itandi ang mga supply sa bakuna nga miabot sa Bohol sa mga natupokan, mugawas nga hapit sa 100% ang nagpabakuna dinhi sa Bohol.
Matud pa ni Caliao nga kadtong wala matupukan ug bakuna sa mga medical frontliners kadtong mga naatolan nga taas ang pressure sa ilang dugo, o kaha anaa pa sa kwarantina o bag-o palang naulian sa Covid ug dili pa mahimong tupukan.
Kadtong wala matupukan kay taas ang pressure sa dugo naatolan nga anaa sa kwarantina o bag-o pang naulian sa Covid kay mahimong matupukan sa laing higayon.
Ang mga frontliners nga natakdan ug Covid, mahimo silang tupukan human sa 90 ka adlaw gikan sa adlaw nga giingon nga naulian ang frontliner.
Nagsugod ang pagpamakuna dinhi sa Bohol niadtong Marso 5, 2021 ug gitupukan ang mga taga Gov. Celestino Gallares Memorial Hospital (GCGMH) ginamit ang bakuna nga ginama sa Sinovac nga gikan sa China nga adunay brand name nga Coronavac.
Dugang pa nga nagsugod na ug paghatag ug ikaduhang dose sa mga gitupukan niadtong unang semana aa Marso nga kasagaran mga frontliners nga nagtrabaho sa GCGMH.