Sinulat Rey Anthony H. Chiu
Nakab-ot na sa nasud ang kapin sa usa ka milyon ka Pilipino ang nabakunahan sa ika 42 ka adlaw nga pagpangbakuna nga giprograma sa kagamhanan aron kabatokan ang pagpanakod sa Coronavirus disease (COVID-19).
Hangtud niadtong Abril 11, 2021, 1,026,558 ka mga Pilipino ang nakadawat na sa ilang una sa duha ka tupokan nga bakuna batok sa COVID-19, diha sa kinatibuk-an nga 2,869 ka mga lugar diin gihatag ang bakuna dinhi sa nasud.
Sa bakuna nga nakuha sa nasud gikan s a mga donasyon ung sa COVAX facility, mikabat na sa 515,359 ka tawo ang nahatagan sa unang dose sa Sinovac vaccine samtang naa na usab sa 511,199 ka mga tawo ang nakadawat sa bakuna nga ginama sa AstraZeneca.
Sa mga nahisgutan nga mga tawo, mikabat na ngadto sa 853,700 ka frontline healthcare workers sa Pilipinas sa kinatibuk-ang 1,457,173 nga anaa sa masterlisted isip eligible sa Priority Group A1 population, ang nabakunahan.
Sa kasamtangan, daghan na ang rehiyon ang nagsugod na ug pagpanghatag sa unang dose sa COVID-19 ngadto sa 49,339 ka seniors citizens nga lakip sa Priority Group A2.
Dugang pa sa DOH, kadtong napailawom sa Priority Group A3, o kadtong mga tawo nga may comorbidity o gihambin nga laing mga sakit, 123,519 na ka tawo ang nakadawat sa unang tupok sa bakuna batok sa COVID-19.
Ang kasagaran nga rason sa pagpa-langay una sa bakuna mao ang pagpaabut pa sa medical ug surgical clearance sa mga tupokanan gikan sa ilang mga doctor kay basin may komplikasyon kini sa pagkabuntis, o una nga operasyon, na-takdan na sa COVID na ug magpaabut pa sa 90 ka adlaw aron mahimo na nga bakunahan.