Atty. Patrisha Veloso-Chatto makes a confession about her experience and thoughts as a recent Coronavirus disease (Covid) POSITIVE CASE. She is fully recovered now. Read her open confession on page 1 of the Bisaya section of The Bohol Tribune.
OPEN CONFESSION
Mao kini ang bukas nga pagtug-an ni Atty. Trisha, anak ni Cong. Edgar Chatto ug Balilihan mayor Pureza Chatto kabahin sa iyang kasinatian isip usa ka Covid POSITIVE CASE nga bag-ohay lang nga naulian gikan sa maong sakit.
Gipatik sa The Bohol Tribune ang iyang sugilanon nga adunay pagtugot sa pamilya ug mismo ni Atty. Trisha.
Mao kini ang iyang pamahayag.
”Pagsugod sa pandemya, didto pa ko sa Manila. Nag-deklarar na og community quarantine. Sugod April, mga once a month makadungog ko nga naa koy amigo nga nag-positive sa Covid, kasagaran nila mga health worker so exposed jud.
Bisan ug nagkataas ang kaso, di pa ka kaayo kulbaan kay wa pa kay personal nga nailhan nga na-Covid lang ug kalit. Adtong panahona, mahibaw-an pa nimo kung asa natakdan.
Bohol, at that time, was a sanctuary. Gamay ra kaayo og kaso. Tungod kay wala man sa Bohol ang virus, daghan ang maka-ingon ‘nganong strikto man ta kaayo nga wa may covid diri?’ Mao na nga ang uban, kumpyansa. Naa pa gyuy uban, di mutoo nga naay Covid.
Fast forward to March 2021, hing-balik ko sa Manila. 5 days ra unta ko didto. Nagpa-PCR [polymerase chain reaction] test ko para sa akong flight pabalik sa Bohol. Pag-gawas sa resulta – positive. Wa ko kauli, quarantine ko for 14 days sa Manila.
Samtang nag-quarantine ko, nag-sunod sunod ang balita nga naa mi mga kaila sa Manila nga nag-positive pud. 4 sa akong mga amigo nagpositive pud. (Dili kami ang nagtakdanay kay pila ka-buwan na ming wa magkita). Dungan pud ana, naay mga paryente sa akong mga kaila nga nagpa-tabang mangita ug hospital kay wa nay mudawat nila. Kung naa man gani hospital, nagpatabang mangita ug tambal kay out of stock na. Ug pinaka-sakit, naa koy kaila nga 3 sa ilang pamilya ang nag-sunod sunod ug kamatay tungod sa Covid.
Kalooy sa Ginoo, bisan ug nagpositive ko, wa ra koy symptoms. Nag-negative na pud ko after 14 days. Nakauli ko sa Bohol.
Pag-abot nako diri, bisan ug dili na required ang quarantine, dili gihapon ko mugawas kung dili kinahanglan. After 1 week, kas-a pa ko nakagawas, wearing face mask and face shield.
Diri nagsugod na ug saka ang mga kaso pero naa gihapon mureklamo nga nganong ipa-quarantine ang mga close contact. Naa gihapon mag-party o mag-fiesta nga daghan og tao unya dili mag-mask.
Tingali parehas mo nako sauna nga wala kaayo kulba-i kay wa pa moy nailhan nga na-covid. Kung ingana ang atong huna huna unya dili ta musunod sa mga protocol, mutaas gyud samot ang mga kaso diri.
Bisag unsaon ug paningkamot sa mga frontliner, kung kita mismo dili mag-amping, magkalisod gihapon ta. Bisan pa ug naay bakuna, wala pa na muabot diri para sa kadaghanan.
Isip pag-amping sa atong mga pamilya ug mga amigo, kung kinahanglan ta mugawas para sa trabaho, magkalingaw sa tag sul-ob ug face mask. Doble kung mahimo. Dili sa ta mag-tapok tapok. Magkita pa lagi ta sa sunod fiesta kung wa na ning covid.
Pag-amping sa kanunay. Ayaw mo paghuwat nga inyong mga kaila na ang sunod sunod nga nag-positive, na-hospital o namatay usa mo kulbaan.”