Sinulat ni Elvira Bongosia
Nanawagan ang Philippine Health Insurance Corporation (PhilHealth) sa publiko nga ipahibalo sa ilang buhatan ang bisan unsang kaso pag abuso sa health insurance.
Gihimo sa ahensya ang panawagan tungod na usab sa mga nanggawas nga mga taho diin pipila ka kga nag hatag ug serbisyo sa panlawas diin nakiglalis sa mga pasyente aron i-deklarar ang dili seryoso nga sakit sa gihawaan sama as hubak, nga usa ka kaso sa Coronavirus disease (Covid) aron makakuha ug mas taas nga benefits.
Sa usa ka pahayahag, nanawagan ang PhilHealth sa mga nag-post sa videos nga magpakita ug ebidensya ug makig-alayon sa ilang ahensya aron imbistigahan ang mga taho.
Sa higayon nga mapamatud-ang tinuod ang mga alegasyon, giseguro sa PhilHealth nga manubag ang bisan kinsang nagpaluyo niining hiwi nga binuhatan.
Gipasabot sa PhilHealth nga ang tanang abuso sa health insurance adunay silot nga mokabat sa P200,000 nga multa sa matag kaso o suspensyon sa kontrata sa health care provider nga mokabat ug hangtod tulo ka tuig.
Matud pa nga nagtumbok usab kini sa kriminal nga may silot nga pagkabilanggo gikan unom ka buwan ug usa ka adlaw hangtod unom ka tuig base sa mahimong desisyon sa korte agi ug agsunod sa Section 38 sa Universal Health Care Law.
Nagpahinumdom usab ang PhilHealth sa publiko nga responsibilidad sa matag miyembro niini ang panalipdan ang pondo sa ahensya.
Nanawagan usab ang buhatan sa bisan kinsang may gigunitang impormasyon sa pag-taho dayon niini sa PhilHealth lakip ang mga ebidensya nga magduot sa maong hiwi nga mga binuhatan.