Sinulat ni Elvira Bongosia
Kabahin sa paningkamot sa gobyerno ang pagpangapod-apod ug home care package alang sa mga kabalayan tungod na usab sa padayong pagsaka sa kaso sa coronavirus disease (Covid).
Matud pa sa tigpamaba sa Department of Health (DOH) nga si Usec. Maria Rosario Vergeire, kining package gitumong aron ma-balhin ang mga pasyente nga moadto direkta sa mga ospital, mga pasyente nga nag-panic ug mga nakabati ug kahadlok nga kun magpabilin sila sa balay tungod kay aduna sila’y mild case o asymptomatic case, giseguro nga makadawat sila ug kits nga gitawag ug “home care package.”
“This is not really about the kits but it is also the system and the process that goes with it, because when we say home care package we will have a financing mechanism for that and that is we were negotiating with Philhealth, “ matud pa ni Vergeire. (Dili ni kabahin sa mga kits apan kabahin ni sa sistema ug proseso kay kon muhisgot ta ug home care package aduna tay mekanismo sa pinansyal mao nakigsabut na kami sa Philhealth.).
Matud pa nga sa home care system, kauban ang instructions kun kanus-a angay moadto sa ospital ang usa ka indibidwal nga naa lang sa balay.
Kauban usab sa instructions ang numero sa telemedicine, navigation ug triage system sa lokal nga kagamhanan.
Lakip usab sa kits ang mga preventive equipments sama sa mask, alcohol, sanitizers, face shields ug disinfection supply ug cleaning kit materials nga ipanghatag isip kabahin sa home care package.
Gawas pa niini, may home monitoring kits usab nga ihatag sama sa thermometer ug tan-awon pa kun maapilan ba usab ug pulse oximeters depende sa maabot sa budget.
Giingong kini ang kumpletong package nga apil na ang vitamin supplement ug antipyretic, paracetamol alang sa hilanat nga kasagarang tambal niini.