Sinulat ni Dave Albarado gikan sa taho sa Philippine Information Agency
Gusto ni San Miguel mayor Virgilio Mendez nga himoon nga pugos ang pag pabakuna batok Coronavirus disease (Covid) sa mga residente sa maong lungsod.
Mao kini ang gipadayag ni Mendez niadtong adlaw Huwebes, Mayo 6, 2021, sa Network Briefing News nga gi-pasalida sa tanang istasyunan sa telebisyon nga gipanag-iya sa kagamhanang nasyunal, ug apil na ang mga nagkalain laing mga digital platforms.
Matud sa mayor nga nahadlok ang iyang mga nasakupan tungod sa mga pekeng balita nga mugawas sa social media diin mihisgot nga bati ang anti-Covid vaccine.
Dugang pa niya ang mga risgo sa bakuna kay mas ubos kun itandi sa pag panalipod nga mahatag sa mga bakuna.
Sa panahon nga gisulat ning balita, adunay kinatibuk-an nga 45 ka mga kaso sa Covid ang San Miguel sukad nagsugod ang pandemya ug usa ra ang aktibong kaso.
Nakakat-on na sa pagtulun-an ang kagamhanan sa lungsod kabahin sa Covid ug usa ang San Miguel sa mga dapit sa Bohol nga malampuson ang gihimong pagmaneho sa pandemya.
Ang programa sa bakuna gisugdan na ug na bakunahan na ang anaa sa priority list ug kini ang mihatag ug feedback nga gigamit sa mga tinugyanan sa kagamhanang lokal.
Matud sa presidente sa Sangguniang Kabataan Federation sa San Miguel nga si June Reign Reyes nga adunay mga batan-on nga nagpabilin nga adunay kabalaka bahin sa bakuna, hinoon aduna pod mga sakop sa kabatan-unan nga halapad ang paglantaw.
Si Reyes kauban ang mga sakop sa mga SK gikan sa nagkalain laing barangay sa San Miguel nag sige ug libot ug suroy sa tibook lungsod aron muhatag ug insaktong impormasyon kabahin sa bakuna.
Sumala pa ni Mendez nga angay ipadaplin sa mga tawo ang ilang pagduda ang ilang pagduda kabahin sa bakuna alang sa ilang kaugalingong kahimsog.
Nagtuo ang mayor sa San Miguel nga mahimo lang nga ang bakuna maoy yawe aron magmalampuson batok sa Covid.
Dugang ni Mendez nga dili angayan nga usikan ang higayon ug kinahanglan nga magpatupok dayon kun aduna nay bakuna.
Hinoon, nasayod ang mayor nga adunay daghang sektor ang dili uyon sa pagbakuna.
Asoy pa ni Mendez, nga kinahanglan masayod ang katawhan nga tuyo lang sa kagamhanan ang kasanihan ug maayong kahimtang sa mga tawo ilabi na ang mga nagpuyo sa lungsod sa San Miguel.