Sinulat ni Dave Albarado gikan sa Philippine Information Agency
Pinasikad sa impormasyon nga migawas niadtong Mayo 17, 2021, ming-abut na sa 3.1 milyon ka tawo ang nakadawat sa bakuna sa una ug sa ikaduha nga tupokan.
Sumala sa National COVID-19 Vaccination Operations Center (NVOC) alang sa Philippine COVID-19 Vaccination Deployment and Vaccination Campaign sa taho niini niadtong Mayo 17, 2021, kinatibuk-an nga 2,363,798 ka mga Pilipino ang nakakuha sa unang tupokan, samtang miabut na sa 751, 285 na ang nakakuha sa ikaduha nga tupokan aron kompletohon naang ilang panalipud batok sa Coronavirus disease kun COVID.
Mokabat sa 1,224,726 na ka trabahante nga anaa sa frontline health ug medical services and nakakuha sa unang dose samtang miabut na sa 433,631 ka mga health care workers nga anaa sa frontline ang nakakompleto na sa ika duha nga dose sa bakuna.
Sa mga senior citizens o kadtong anaa sa ikaduha nga Priority Group, 642,873 na ang nakahuman sa una nga dosage samtang 98,963 na ka senior citizens ang nakakompleto na sa ilang panalipod batok sa gikaintapan nga sakit.
Alang sa mga katawhan nga may mga gipangbati nga daan nga sakit o individuals with comorbidities nga naa sa Priority Group 3, mikabat na sa 487,222 na ang may una nga tupokan samtang 219,509 na ang natupokan sa maka duha human sa labing menos usa ka buwan nga lat-ang gikan sa unang tupokan.
Sa Priority Group A4, o mga lumilihok nga anaa sa importanteng sektor sa ekonomiya, matud pa sa NVOC, 8,977 na ang nakakuha sa unang dose samtang may 192 na ang nakakuha sa ikaduha nga dose.
Sa mga nahadlok pa nga bakunahan tungod sa sayop nga kasayuran sa mga bakuna nga ihatag, mismo ang mga frontline health workers ang nagpakita nga 79.49% sa kinatibuk-ang health frontliners nga anaa sa masterlist ang nabakunahan na.
Niini nga kadaghanon,1,728,311 ang nabakunahan sa Sinovac, 492,047 ang nakakuha sa AstraZeneca, 1,278 ang natupokan sa Sputnik-Gamaleya ug 3,090 ang nakakuha sa Pfizer Vaccine.