Sinulat ni Dave Albarado gikan sa Philippine Information Agency
Dili na kinahanglan pa nga maghulat ug 90 ka adlaw aron mabakunahan na ang kadtong mga natakdan ug coronavirus disease (Covid), aron dili na sila mapurohan kun maigo ug balik man ugaling sa naasoy nga sakit.
Kini maoy gibatbat sa Advisory No. 41 nga gipagawas sa National Task Force on COVID 19 (NTF) ug sa National Vaccination Operations Center (NVOC) niadtong mIlabay nga Mayo 15, 2021 subay usab sa Philippine COVID-19 Vaccine Deployment and Vaccination Campaign.
Ang Advisory No 41, mibutyag sa tukmang panahon ug takna sa pagpangbakuna sa mga tawo nga naigo daan ug Covid.
Matud pa ni Health Undersecretary Myrna C. Cabotaje, chairperson sa Field Implementation and Coordination Team sa National COVID-19 Vaccination Operations Center sa Department of Health (DOH) ang advisory gipagawas pag pagduso sa mga pahimangno sa DOH Memorandum No. 2021-0175 kabahin sa takna o tukmang panahon sa pagpangbakuna sa mga daan nga nasakit sa Covid.
Sumala sa nahisgutan nga Department Memorandum nga ang tanan nga bakunahanan nga nasakit sa Covid mahimo na nga bakunahan sa una o ikaduha nga dose sa bakuna human sila naulian sa sakit ug mahuman na sa pagpatambal ug dili na kinahanglang mobalik pa sa unang dose kadtog nasugdan na ug tupok.
Alang sa mga nagkaCivid nga adunay kasarangan nga simtomas, mabakunahan sila human sa 10 ka adlaw nga isolation gikan sa unang adlaw nga migawas ang mga simtomas lakip na ang tulo ka adlaw nga napamatud-an nga naulian na gayud ug wala nay simtomas.
Alang sa mga pasyente nga adunay grabe nga simtomas, mabakunahan sila human sila makakompleto sa labing menos 21 ka adlaw nga isolation sulod sa usa ka hospital, human manggawas ang simtomas ug lakip ang tulo ka adlaw nga mapamatud-an nga ang pasyente wala nay gihambin nga mga sintomas.
Alang sa mga nagpositibo nga nagkaCicid apan walay simtomas nga gipakita, nga tawo, mabakunahan sila kun ilang mahuman ang 10 ka adlaw nga isolation sugod sa unang adlaw nga gikuhaan sila sa swab samples.
Alang sa mga close contacts ug nagpabilin nga wala gyuy simtomas, mahimo silang bakunahan human sa labing menos 14 ka adlaw nga kwarantina gikan sa petsa kanus-a siya na expose sa usa ka napamtud-an nga adunaysakit nga Covid.
Niini, ang mga RVOCs gimanduan sa pagseguro sa pagpatuman niining nahisgutang advisory dugang sa pag-ingon nga kuh aduna may mga suliran, pangutana niining advisory, mahimo nga mapakisayud pinaagi sa pag email ngadto sa NVOC sa c19vaccineopcen@gmail.com.