Sinulat ni Elvira Bongosia
Gipahibalo sa Government Service Insurance System (GSIS) nga ang application deadline alang sa gitanyag nilang computer loan program gi-uswag hangtod sa Disyembre 31, 2021.
Sa pahayag nga gipagawas ni GSIS President ug General Manager Rolando Macasaet, tuyo sa programa nga matabangan ang mga kawani sa gobyerno nga makapalit ug computer unit alang sa ilang pagtra baho sa ilang mga panimalay.
Mahimo usab nga ang pagpalit ug computer unit alang sa online classes sa anak sa empleyado sa gobyerno.
Ubos sa programa, ang usa ka miyembro mahimong maka-utang ug hangtod P30,000 nga bayaran sulod sa tulo ka tuig ug adunay interes kini nga unom ka porsiyento matag tuig.
Kantidad sa P983.33 matag buwan ang bayran nga utang sa miyembro nga mopahimos niining programa.
Ang mga kuwalipikado sa computer loan mao ang mga aktibong miyembro nga nakabayad na ug hangtod tulo ka buwan nga kontribusyon, regular sa posisyon, wala naka-leave without pay, ug walay kasong administratibo ug kriminal.
Apil usab ang mga walay utang sa GSIS Financial Assistance Loan ug wala pa’y ubang utang sa GSIS gawas sa housing loan.