Sinulat ni Elvira Bongosia
Matud pa ni Presidente Rodrigo Duterte nga prayoridad sa kagamhanan ang pagbakuna batok Coronavirus disease (Covid) ang mga kabos.
Kini matud pa ang sagradong katungdanan sa kagamhanan ilabi pa kun masakit ang mga kabos nga walay pangpalit ug tambal.
“They are always at the mercy of their poverty. So it is the sacred duty of government to look after them first,” pahayag pa ni Duterte atol sa iyang pakighinabi sa katawhan niadtong Lunes sa gabii, Mayo 17, 2021.
(Ang kabos kanunay nauliponnssa ilang kapobrehon. Tungod niini, tahas sa kagamhanan nga unahon sa pagtagad ang mga kabus.)
Sa pagkakaron, adunay 7.7 milyong doses na sa Covid vaccine ang Pilipinas.
Kapin sa 3 milyong Pilipino na usab ang nabakunahan batok Covid.
Pinasikad sa priority list sa kagamhanan, ang mga kabus ug mga banay nga ubos ang kinitaan ika-lima sa listahan sa mga tupukan ug bakuna nga gipangunagan sa mga health workers, senior citizens, adunay comorbidities ug economic frontliners.
Samtang miapelar si Presidente Duterte sa publiko nga dili na mupiki sa matang sa bakuna batok Covid.
Matud pa niini nga kun unsa ang bakuna ang anaa sa ilang atubangan, angay nga dawaton kini ug dili na mupili pa.
Pasabot pa sa Presidente, tanang bakuna nga anaa sa Pilipinas luwas ug epektibo.
Apil sa mga bakuna nga naa karon sa Pilipinas mao ang Sinovac, Pfizer, AstraZeneca ug Sputnik V.
