Sinulat ni Elvira Bongosia
Nidaog sa prestihiyosong Stevie Awards ang Presidential Communications Operations Office (PCOO).
Pito ka dagkong ganti ang nasakmit sa PCOO apil na ang Media Hero of the Year ug Government Hero of the Year.
Giila sa Stevie Awards ang padayon nga pagpaningkamot sa PCOO aron maalagaran ang publiko sama sa paghatag niini og saktong impormasyon karong panahon nga may pandemya.
Nadawat ni PCOO Kalihim Martin Andanar ang “Media Hero of the Year” Award tungod sa madasigon niyang paghatod ug balita ug impormasyon sa mga Pilipino.
Apil na niini ang Laging Handa Dokyu, Network Briefing News ug Public Briefing #LagingHandaPH nga mga programa.
Nagpasalamat si Andanar sa pag-ila sa mga paningkamot sa PCOO.
Gawas kang Andanar, nakadawat usab og award si PCOO-Office of the Global Media and Public Affairs (PCOO-OGMPA) Assistant Secretary JV Arcena.
Gipasidunggan si Arcena ug Gold Stevie Awards human giila isip “Government Hero of the Year” ug “Media Hero of the Year.”
Nakadaog usab ang Virtual Presser ug Virtual Reporting Tour (TVP-VRT) sa PCOO ug Silver Stevie Award for Innovation in Media, Visual Communications & Entertainment ubos sa kategoryang Awards for Innovation in Product Design and Development.
Ang ‘Laging Handa Dokyu: Ito ang Totoong Kweno’ nakadawat usab ug Bronze Stevie Award for Innovation in Documentaries ubos sa Awards for Innovation in Video Category.
Samtang ang PCOO Laging Handa COVID-19 Communications Digital Campaign nakadawat ug Bronze Stevie Award for Best Use of Social Media-COVID-19-related Information.
Nagtuo si Andanar nga pagmatuod kini sa ilang paningkamot sa paghatag ug impormasyon nga gikinahanglan sa publiko.
Mga 900 ka nominasyon gikan sa nagkalain-laing nasod sa Asia-Pacific region ang gikonsidera sa 2021 Stevie Awards.
Ang PCOO ang buhatan mga nagdumala sa pagpakatap sa opisyal nga komunikasyon sa pangulo sa Pilipinas.
Kini usab ang buhatan nga nagdumala sa mga media nga gipanag-iya sa gobyerno ug adunay tulobagon sa akreditasyon ug pagpamatuod sa mga nabansay nga langyaw nga correspondent sa media.