Sinulat ni Dave Albarado gikan sa PIA
Mahimo ba nga ang usa ka inahan nga may masuso, magpasuso gihapon bisan kon aduna siyay coronavirus disease (COVID)?
Matud pa sa Department of Health (DOH), mahimo kini, gani gikinahanglan gayud tungod kay gikinahanglan ang sakto ug kompleto nga nutrisyon sa bata nga ang gatas sa inahan lamang ang makahatag.
Mahimo magpasuso sa iyang anak ang usa ka inahan, apan gikinahanglan nga ang inahan, sa dili pa mogunit sa bata, manghunaw ug alcohol-based dis-infectant o tubig ug sabon sa dili pa mosapnay sa bata.
Importante, matud pa sa mga tinugyanan sa kasanihan nga mabatasan sa inahan ang pagpanghunaw permi, aron maseguro usab ang kaluwasan dili lamang sa bata apan usab sa mga sakop sa banay.Ikaduha, kinahanglan nga ang inahan, magsul-ob una ug face mask sa dili pa mosapnay sa iyang masuso.
Gani, sanglit ang usa sa mga simtomas sa Covid mao man ang pag-ubo ug pagpanghatsi, kinahanglan nga ang inahan, kon moubo ug manghatsi, adto siya manghatsi ug moubo sa disposable nga tissue aron dali ra kini nga ikalabay sa selyado nga basurahan kay delikado kining manakod.
Dugang pa sa DOH, kinahanglan usab nga batasanon ang kanunay nga pag-disinfect sa mga butang nga magunitan pirmi sa inahan, pirmi nga mahikapan sa masoso sama sa mga duwaan nga naa sa sulod sa kuna ug sa mga mahimong ihungit sa bata.