Sinulat ni Dave Albarado
Bol-anon ang bag-ong regional director sa Department of Trade and Industry (DTI) sa Central Visayas, matud pa sa taho.
Nanumpa si Maria Elena Arbon atubangan ni DTI Sec. Ramon Lopez isip bag-ong regional director sa DTI niadtong Lunes, Hunyo 7, 2021 pinaagi sa video-audio conferencing.
Sa wala pa ang iyang katudloan isip regional director, si Arbon nagsilbe isip assistant regional director sa DTI Central Visayas ug sayo niini siya nagsilbe usab nga provincial director sa DTI Bohol.
Sa ilang bahin, ang DTI-Bohol mipahalipay ug mipadayag nga dakong garbo nila ug sa mga Bol-anon nga si Arbon ang nahimong hepe sa ahensiya dinhi sa Central Visayas.
Laing Bol-anon nga nagsilbe sab nga regional director sa DTI mao si Aster Caberte nga karon undersecretary sa maong ahensiya.