Sinulat ni Ven rebo Arigo
Namatay niadtong Huwebes sa buntag, Hunyo 10, 2021 si Davao del Sur Gov. Douglas Cagas tungod sa komplikasyon sa Coronavirus disease (Covid).
Usa ang rehiyon sa Davao sa mga dapit sa nasud nga giprayoridad sa mas daghang supply sa bakuna tungod sa mas taas nga kaso sa Covid ug daghang kinabuhing nakalas, sumala sa Inter-Agency Task Force (IATF).
Dinhi sa Bohol, gi-follow up na usab nhi Gob. Arthur Yap si vaccine zar Sec. Carlito Galvez, Jr. kalabot sa iyang hangyo nga mapaspasan ang pagbakuna sa mga Bol-anon.
Apil niini ang vaccination sa mga anaa sa industriya sa turismo ug trabahante sa ubang patigayon kay importante usab ang paglagsik sa ekonomiya.
Bisag dugay rang nag-andam ang probinsiya ug P100 milyones para sa bakuna, ang nasudnong kagamhanan pinaagi sa IATF ug Department of Health (DOH) maoy nagdumala sa limitadong supply sa bakuna nga nadawat na ug madugang pa sa nasud gikan sa gawas.
Mao kini ang tubag ni Galvez sa text message kang Yap niadtong Lunes, Hunyo 7, 2021:
“We will just comply with the president’s guidance to provide more vaccines to areas nationwide which have rising cases like Zamboanga City, [Cagayan de Oro] CDO, Butuan, Iloilo, Negros, Baguio, Davao, Puerto Princesa and other areas with high fatalities. After this po Gov, we will share some of our vaccines for our A4 economic frontliners in Bohol.”