Sinulat ni Ven rebo Arigo
Mokabat sa 7,500 ka trabahante sa turismo ang target nga bakunahan sa mosunod nga mga adlaw gamit ang inisyal nga 10,000 doses sa bakuna nga gigahin alang sa mga sa sektor.
Dili mumenos sa kwatro syentos singkuwenta (450) ka mga naarbaho sa turismo ang natupokan sa unang dose sukad sa pagsugod sa tourism frontline worker vaccination rollout didto sa Bellevue Resort sa Panglao niadtong milabay nga semana Hunyo 18, 2021.
Matud ni Provincial Health Office OIC ug Bohol Inter-Agency Task Force spokesperson Dr. Cesar Tomas “Yul“ Lopez, laing hugna sa mga tourism frontlinersang bakunahan didto sa Modala Beach Resort niadtong Hunyo 24, 2021.
Nibutyag si Joanne Pinat sa Provincial Tourism Office nga dugang vaccination venues ang buksan sama didto sa Dauis, Tagbilaran City ug ubang destinasyon sa turismo.
Target ang pagbakuna sa 200 ngadto 300 ka mga tourism workers kada adlaw ug kini magsaka agad sa gidaghanon sa mga vaccination centers ug suplay sa bakuna.
Kahinumduman nga si Gob. Arthur Yap mismo ang nisugat sa unang 10,000 doses sa bakunang hinimo sa Russian nga Gamaleyanga gitawag nga Sputnik V ug Chinese Sinovac para sa mga tourism workers didto sa Bohol Panglao International Airport niadtong Hunyo 16, 2021.
Nilampos ang gobernador sa pagpugos sa Inter-Agency Task Force ug Department of Tourism nga hatagan ang Bohol ug bakuna alang sa mga trabahante sa turismo, matud sa Primer.
Ang Bohol maoy unang nakabakuna sa mga tourism frontliners sa nasud, dugang sa Primer.
