Sinulat ni Dave Albarado
Mokabat sa 748 ka mga Bol-anon ang nakapahimolos sa libreng Theoretical Driving Course (TDC) nga gidalit sa Land Transportation Office (LTO)-7 ug gitanyag sa mga Bol-anon.
Matod ni LTO-7 regional director Victor Emmanuel Caindec nga ang Malasakit Outreach sa LTO-7 pinaagi sa ilang e-Patrol Mobile Services, mitanyag ug TDC sa mga Bol-anon ug kini nagkantidad ug P3 milyon.
Ang maong ahensiya misugod sa ilang e-Patrol services sa Bohol niadtong Mayo 31, 2021 ug gipahigayon didto sa lungsod
sa Panglao, Dauis ug Ubay.
Sa Panglao, niabot sa 339 mga taga Panglao ang nakadawat sa libre nga TDC, 113 ka mga scholar sa TDC ang gikan sa Dauis, ug 296 ka mga TDC scholars ang gikan sa Ubay.
Ang mga naasoy nga mga scholars pulos giendorso sa local government units aron matagan ug libreng TDC.