Sinulat ni Ven rebo Arigo
Bisan ang mga nagkompetensiya sa turismo nihulagway sa nagpadayong pagbakuna sa mga frontline workers sa industriya nga panaghiusa alang mas dakong kaayohan sa Bohol.
Kini usa ka paglayat ngadto sa malaumong ugma ug umaabot pa, sumala sa post sa Bohol Beach Club.
Gipost usab niini ang hulagway sa mga nagpapatogayon sa natad sa turismo sa Panglao atol sa pagbakuna nga naglakip sa mga nagdumala sa mga resorts sama sa Amorita, Bohol Beach Club, Ivy Wall, Bluwater, Donatela ug Bellevue uban kang Joanne Pinat nga tinugyanansa Bohol Tourism Office.
Ang mga nagpapatogayon sa natad sa turismo gipasalamatan si Gob. Arthur Yap, Department of Tourism Sec. Bernadette Romulo-Puyat, vaccine czar Sec. Carlito Galvez ug Sec. Vince Dizon sa National Task Force against COVID-19 sa ilang tabang aron masugdan na ang pagpamakuna sa mga tourism frontline workers sa Bohol ilabi na kadtong mga anaa nanarbaho sa isla sa Panglao
Nilampos si Yap sa pagpugos sa mga natungdang nasudnong ahensiya ug task force sa paghatag og bakuna para sa mga trabahante sa turismo sa Bohol.
Matud ni Pinat, nagpadayon niadtong adlaw nga Martes, Hunyo 29, 2021, ang pagpamakuna didto sa Modala Rsort diin gipahiluna ang usa sa mga vaccination centers sa Panglao.
Nitaho si Pinat nga sukad sa tourism vaccination rollout, dili momenus sa 3,001 ka mga frontliners sa turismo ang nabakunahan.