Sinulat ni Mae Ann Grace C. Rubia (Philippine Information Agency)
Gi-awhag sa Department of Health (DOH) ang publiko nga dili gyud sipyaton ang pagpabakuna sa ikaduha nga dose batok sa Coronavirus disease (Covid).
Matod ni Health Secretary Francisco Duque III, nga kunh ang usa ka tawo mapakyas sa pagpabakuna sa gihatag nga schedule kini mahimo pa nilang madawat sa sulod sa unom ka bulan.
“Iyan pong pangalawang dose, batay sa vaccine expert panel ng Department of Health, puwede po iyan between three to six months, iyong pagitan noong una at ikalawang doses,” matud pa ni Duque kaniadtong Hulyo 6, 2021
(Ang ikaduhang dose, pinasikad sa vaccine expert panel sa DOH mahimong mahimo nga makapamakuna gihapon bisan 3 o 6 ka bulan nga lapas sa schedule.)
Dugang pa niya, dili angay mabalaka kung kini malangan sa pagpabakuna, kay kini makuha pa sa ubang adlaw, ang mahinungdanon nga magpabakuna gihapon sa ikaduha nga dose.
Sa laing bahin, padayun gihapong gi-awhag ang mga katawhan nga dili mag mahadlukon sa pagpabakuna ug sundon gihapon ang mga health protocols kay kini makatabang sa pag likay sa pagkanap sa virus.